Սյունիքի մարզի Սիսիան խոշորացված համայնքի Տորունիք բնակավայրի բազմաթիվ խնդիրների շարքում է նաև բուժկետի շենքային պայմանների անմխիթար վիճակը։ Շենքը շահագործման է հանձնվել 2000 թվականին, սակայն արդեն իսկ տանիքը կաթում է։ Ունի նաև գույքի խնդիր, մահճակալներ չկան։ Փոքրիկ գյուղի փոքրիկ բուժկետի խնդիրները սրանով չեն սահմանափակվում, բուժկետում նաև ջուր չկա, չնայած այն բանին, որ ջրի խողովակը բուժկետի կողքով է անցնում։ Բուժկետը սպասարկում է գյուղի 100-120 բնակչի։ Բնակիչները բազմիցս դիմել են թե համայնքապետարան, թե մարզպետարան, սակայն հարցին լուծում չի տրվել։  
 

cvmedia.am քաղաքացիական լրագրող՝ Արա Ստեփանյան