CVMEDIA || Citizen's voice

Քաղաքացու ձայնը

Citizen's voice

Լրահոս

«Ամուլսար» նախաձեռնությունը «Ոսկին՝ ձեզ, իսկ ջուրը՝ ո՞ւմ…» խորագրով երթ է անցկացրել «Ամուլսար» նախաձեռնությունը «Ոսկին՝ ձեզ, իսկ ջուրը՝ ո՞ւմ…» խորագրով խաղաղ երթ է անցկացրել՝ տեսանելի դարձնելու Ամուլսարի հանքի շահագործման իրական գինը և պաշտպանելու Ջերմուկի ու Հայաստանի ջրային պաշարները։ Երթն իրականացվում է՝ ի նշան բողոքի Ամուլսարի հանքավայրի շահագործման դեմ։ Տասնյակ բնապահպաններ, ակտիվիստներ, իրավապաշտպաններ «Ամուլսար՝ միայն սար», «Ամուլսարն առանց հանքի» վանկարկումներով ու «Stop Mining Amulsar» գրառումներով պաստառներով նպատակ ունեն ևս մեկ անգամ հանրային ուշադրության կենտրոնում պահել 3000 մետր բարձրության վրա՝ հենց Հայաստանի քաղցրահամ և հանքային ջրերի սկզբնաղբյուր է ներխուժած հանքարդյունաբերական գործունեությունը, որի հետևանքները անդառնալի են լինելու՝ թթվային դրենաժ, ծանր մետաղներով պոչանքներ ու ցիանային հարթակ։

ավելին
Առաջիկա օրերին մարզերում և Երևանում սպասվում է ձյուն Նոյեմբերի 5-8-ին և 9-ի գիշերը հանրապետության ողջ տարածքում ժամանակ առ ժամանակ սպասվում են տեղումներ, առանձին հատվածներում զգալի։ Նոյեմբերի 6-ի երեկոյան ժամերից, 7-ին և 8-ի ցերեկը Շիրակում՝ 1600մ, Լոռի-Տավուշում՝ 800մ, Արագածոտնի և Կոտայքի լեռնային գոտում՝ 1800մ, Գեղարքունիքում՝ 2000մ, Վայոց ձորում և Սյունիքում՝ 1800մ և ավելի բարձրություններում սպասվում է ձյուն։ Նոյեմբերի 8-ի երեկոյան և լույս 9-ի գիշերը արդեն հանրապետության մեծ մասում սպասվում է ձյուն, լեռնային մարզերում բուք, ցածր հորիզոնական տեսանելիություն, ճանապարհներին մերկասառույց։ Նոյեմբերի 8-ի ուշ երեկոյան և 9-ի գիշերը ձյուն է սպասվում նաև Երևանի բարձրադիր գոտում։ Վարորդներին հորդորում ենք երթևեկել ձմեռային անվադողերով։

ավելին
Սոցցանցերում հրապարակումների առնչությամբ հարուցված քրեական գործերը մտահոգություններ են առաջացնում խոսքի ազատության իրավունքի տեսանկյունից Թեև արտահայտման ազատությունը կարող է սահմանափակվել բռնության հրահրման, ատելության խոսքի կամ սպառնալիքների դեպքերում, սոցիալական ցանցերում արված գրառումների, այդ թվում՝ կոշտ կամ վիրավորական արտահայտություններ պարունակող հրապարակումների առնչությամբ հրապարակումների համար քրեական մեղադրանքների առաջադրումը, կալանավորումը և այլ սահմանափակող միջոցների կիրառումը մտահոգություններ են առաջացնում դրանց համաչափության, օրենքի ընտրողական կիրառման և հանրային քննարկումների վրա զսպող ազդեցության վերաբերյալ։

ավելին
ՀՀ կենտրոնական բանկը ստանում է ահազանգեր ֆինանսական զեղծարարությունների նոր սխեմայի վերաբերյալ Մասնավորապես՝ անհայտ անձինք, ներկայանալով որպես կոմունալ ծառայություններ մատուցող ընկերության աշխատակիցներ, ծառայություններ մատուցելու կամ ստուգումներ կատարելու պատրվակով կապ են հաստատում քաղաքացիների հետ, որից հետո այցելում են վերջիններիս բնակարաններ, որտեղ անմիջական շփման ընթացքում, մոլորեցնելով քաղաքացիներին, հասանելիություն են ստանում նրանց անձնական տվյալներին, այնուհետև ՀՀ տարածքում գործող ֆինանսական կազմակերպությունների բջջային հավելվածներում իրականացնում են քաղաքացիների գրանցումը, նույնականացումը և ինքնության հեռավար ստուգումը։

ավելին
Խոշոր հանքերի սեփականատերերը պետք է պետությանը տրամադրեն ֆինանսական ապահովագրություն հանքավայրի վերականգնման և փակման ծախսերի համար․ Լևոն Գալստյան Մինչև Հայաստանը մեր փողերով է ապահովագրում հանք բացող ընկերությանը հնարավոր ռիսկերից և որոշում 150 միլիոն դոլար վարկի երաշխավոր դառնալ Ամուլսարում վտանգավոր ծրագրին՝ Կանադայում անում են լրիվ հակառակը։ Այս պետության Բրիտանական Կոլումբիա տարածքի հանքեր շահագործող և ուսումնասիրող ընկերությունները հնարավոր ռիսկերի կառավարման համար 7,2 միլիարդ դոլար անձեռնմխելի ապահովագրական* գումար ունեն թողած պետությանը։ Իսկ ամենափոքր՝ Յուկոն, տարածքում այդ գումարը 42,3 միլիոն դոլար է (թվերը տես նկարներում)։

ավելին
Ռուսական հետք, The Guardian-ի հետաքննություն և բնապահպանական ռիսկեր․ ի՞նչ գործարան է նախատեսվում Շենգավիթում Երևանի Շենգավիթ վարչական շրջանում նախատեսվում է հիմնել ածխածնային և ապակյա մանրաթելերի հիմքով բարձր ամրության նյութերի արտադրություն։ Նախաձեռնողը «ՌԱՅԴԵՆԱ» ՍՊԸ-ն է, որի բաժնետերերի նախկին գործարար կապերն այս տարվա սկզբին հայտնվել են բրիտանական The Guardian պարբերականի հետաքննության ուշադրության կենտրոնում։ Նախատեսվող արտադրությունը կարող է ունենալ նաև բնապահպանական ռիսկեր, հատկապես հաշվի առնելով, որ այն տեղակայվելու է բնակելի հատվածի անմիջական հարևանությամբ։ Մինչդեռ հանրային քննարկման մասին հրապարակված ծանուցմանը կից ներկայացված չեն փաստաթղթեր, որոնցով բնակիչները կարող են ծանոթանալ արտադրական գործընթացին, օգտագործվող քիմիական նյութերին և շրջակա միջավայրի վրա հնարավոր ազդեցություններին։

ավելին
Վիճելի գրացում․ ՔՊ-ի ցուցակը Բաղրամյանում չպիտի գրանցվեր․ «Անկախ դիտորդ» «Անկախ դիտորդ»-ը ահազանգում է Բաղրամյանի ընտրություններում ՔՊ-ի ներկայացված ցոիցակը չպիտի գրանցվեր։ Հրապարակման մեջ մասնապես ասված է․ «Անկախ դիտորդ դաշինքը ընտրություններին առաջադրվող կուսակցությունների թեկնածուների ցուցակները մշտապես ստուգում է Ընտրական օրենսգրքի պահանջներին համապատասխանելու հատկանիշով։ Մասնավորապես կարևոր ենք համարում յուրաքանչյուր եռյակում սեռերի ներկայացված լինելու և համայնքում ընդգրկված բնակավայրերի ներկայացվածության «քվոտաները», հաշվի առնելով, որ հենց դաշինքն է եղել այդ պահանջների ձևավորման ջատագովը։ Ստուգվում է նաև ցուցակում կուսակցականների և անկուսակցականների համամասնությունը»։

ավելին
ՀԷՑ-ին պատճառվել է 64.5 մլրդ դրամի վնաս. 36 անձի նկատմամբ հանրային քրեական հետապնդում է հարուցվել ՀՀ քննչական կոմիտեի տնտեսական հանցագործությունների և մաքսանենգությունների քննության գլխավոր վարչությունում մասնավոր ոլորտում ծառայողական լիազորությունները չարաշահելու և արդյունքում ՓԲ ընկերությանն առանձնապես խոշոր չափերով գույքային վնաս հասցնելու, առանձնապես խոշոր չափերով վստահված գույքը հափշտակելու և առանձնապես խոշոր չափերով փողերի լվացում կատարելու դեպքերի առթիվ քննվող քրեական վարույթով քննչական խմբի քննիչները ՀՀ ԱԱԾ, ՀՀ ՆԳՆ և ՀՀ ՊԵԿ աշխատակիցների հետ համատեղ 65 բնակարաններում և ընկերությունների գործունեության հասցեներում իրականացնում են միաժամանակյա խուզարկություններ:

ավելին
Խուզարկություններ՝ Սամվել և Նարեկ Կարապետյանների բնակարաններում և նրանց հետ կապված այլ հասցեներում Հայաստանի Հանրապետության քննչական կոմիտեի տնտեսական հանցագործությունների և մաքսանենգությունների քննության գլխավոր վարչությունում քննվող քրեական վարույթի շրջանակում 65 հասցեներում իրականացվում են միաժամանակյա խուզարկություններ,- հայտնել են ՀՀ Քննչական կոմիտեից։ Հիշեցնենք՝ լրատվամիջոցներում լուրեր էին շրջանառվում «Ուժեղ Հայաստան» կուսակցության առաջնորդ Սամվել Կարապետյանի և ԱԺ «Ուժեղ Հայաստան» խմբակցության ղեկավար Նարեկ Կարապետյանի բնակարաններում խուզարկությունների մասին։

ավելին
Կաշառք ստանալու մեղադրանք՝ Գյումրու քոլեջներից մեկի փոխտնօրենին․ Հակակոռուպցիոն կոմիտե Հիմնավորվել է, որ ՀՀ կրթության, գիտության, մշակույթի և սպորտի նախարարության Գյումրիի Կարա-Մուրզայի անվան պետական երաժշտական քոլեջի փոխտնօրենի, նաև ընդունելության քննությունների ընդունող հանձնաժողովի նախագահի տեղակալի պաշտոնը զբաղեցրած անձը, իր ծառայողական լիազորությունները և դրանցով պայմանավորված ազդեցությունն օգտագործելով, ստացել է կաշառք,- հայտնում են Հակակոռուպցիոն կոմիտեից։

ավելին
ՀՀ վարչապետի անունով կեղծ Տելեգրամ հաշիվ է բացվել․ խոսնակ ՀՀ վարչապետ Նիկոլ Փաշինյանի խոսնակ Մելանյա Հարությունյանը ֆեյսբուքյան էջում գրում է․ «Հարգելի քաղաքացիներ և ԶԼՄ-ների ներկայացուցիչներ, տեղեկացնում ենք, որ վարչապետ Նիկոլ Փաշինյանի անունով տելեգրամում բացվել է կեղծ օգտահաշիվ: Տվյալ օգտահաշվից հնարավոր է ուղարկվեն հաղորդագրություններ՝ տարբեր տեղեկություններ կամ գործողություններ պահանջելու նպատակով։ Խնդրում ենք լինել առավել զգոն․ չպատասխանել նման հաղորդագրություններին, չտրամադրել անձնական կամ ծառայողական որևէ տեղեկություն (գաղտնաբառեր, կոդեր, բանկային տվյալներ և այլն), չկատարել փոխանցումներ կամ այլ գործողություններ՝ նման պահանջներով, անհրաժեշտության դեպքում արգելափակել (Block) և նշել որպես խարդախություն/Spam (Report)»։

ավելին
Օդի ջերմաստիճանը կնվազի 8-10 աստիճանով, սպասվում է թաց ձյուն Հանրապետության տարածքում նոյեմբերի 3-ի ցերեկը շրջանների զգալի մասում, 4-ին, 5-ի գիշերը առանձին շրջաններում սպասվում է անձրև և ամպրոպ։ Նոյեմբերի 5-8-ին, հյուսիս-արևմուտքից արկտիկական ցուրտ օդային հոսանքների ներթափանցմամբ պայմանավորված, օդի ջերմաստիճանը Հայաստանի ողջ տարածքում նոյեմբերի 4-ի համեմատ աստիճանաբար կնվազի 8-10 աստիճանով։ Նոյեմբերի 6-7-ին, 8-ի գիշերը ժամանակ առ ժամանակ ողջ հանրապետությունում, 8-ի ցերեկը առանձին շրջաններում սպասվում են տեղումներ, նոյեմբերի 6-8-ին լեռնային և առանձին նախալեռնային գոտիներում տեղումները կդիտվեն ձյան և թաց ձյան տեսքով։ Քամին արևմտյան՝ 2-5 մ/վ։

ավելին
«Անկախ դիտորդը» Սպիտակ համայնքում վարչական ռեսուրսի և պաշտոնեական լիազորությունների ենթադրյալ չարաշահման վերաբերյալ հայտարարություն է տարածել Անկախ դիտորդի գնահատմամբ՝ Քաջայր Նիկողոսյանը պաշտոնից ազատելու և արձակուրդ չտրամադրելու իր լիազորությունները օգտագործում է մրցակից կուսակցության թեկնածուների նկատմամբ ճնշում գործադրելու նպատակով՝ ի շահ իրեն օգտագործելով վարչական ռեսուրսները։

ավելին
Ուշիի ոլորաններում վթարից 3 տուժածներից մեկի վիճակը ծայրահեղ ծանր է. ԱՆ ՀՀ առողջապահության նախարարությունից տեղեկացնում են, որ Ուշիի ոլորաններում տեղի ունեցած ողբերգական վթարի հետևանքով 3 վիրավոր տարբեր աստիճանի մարմնական վնասվածքներով տեղափոխվել է բժշկական կենտրոն։

ավելին
ՀՀ ԱԺ-ում տեղի ունեցած բռնության դրսևորումների և պատգամավորական էթիկայի խախտումների վերաբերյալ կոչ հայտարարությունը Մի քանի ՀԿ-ներ կոչ-հայտարարություն են տարածել՝ անդրադառնալով վերջերս ԱԺ-ում տեղի ունեցած ծեծկռտուքին։ Հայտարարության մեջ ասված է․ «Մենք՝ ներքոստորագրյալ հասարակական կազմակերպություններս, խոր մտահոգություն ենք հայտնում և դատապարտում ՀՀ Ազգային ժողովի նիստերի դահլիճում 2026 թվականի հոկտեմբերի 29-ին տեղի ունեցած ֆիզիկական բռնության և խուլիգանական դրսևորումների կապակցությամբ՝ դրանք համարելով անընդունելի և խորհրդարանական ժողովրդավարության սկզբունքներին հակասող»։

ավելին
Անտառների կրկնապատկման միֆը Կատովիցե–COP17 ճանապարհին․ մեկ անիրատեսական խոստման տասնամյակը․ Այսեր Ղազարյան «Սույն վերլուծության նպատակն է համադրական գնահատման ենթարկել ՀՀ անտառային ոլորտին վերաբերող միջազգային հանձնառությունները, մասնավորապես՝ անտառապատման լայնածավալ ծրագրերը»։

ավելին
Չեխիայի հանրային հեռուստատեսության ու ռադիոյի աշխատակիցները զանգվածային գործադուլ են անում՝ ընդդեմ մեդիայի ֆինանսավորման փոփոխության Չեխիայի հանրային հեռուստատեսության ու ռադիոյի աշխատակիցներն այսօր զանգվածային գործադուլ են անում՝ ընդդեմ մեդիայի ֆինանսավորման փոփոխության,- իր ֆեսյբուքյան էջում գրել է Չեխիայում բնակվող Լիլիթ Քալանթարյանը։ Կառավարությունն առաջարկում է չեղարկել մեդիա ամսավճարները, որոնք վճարվում են բնակիչների կողմից և անցնել պետբյուջեից ուղիղ ֆինանսավորման։ Լրագրողների համոզմամբ՝ սա ուղիղ սպառնալիք է անկախ լրատվությանը։

ավելին
ԱԱԾ անվան շահարկումը՝ որպես զենք Սփյուռքի դեմ. Cyberhub ԱԱԾ-ի անունից հանդես գալը միանգամից երկու խնդիր է լուծում։ Նախ՝ պետական անվտանգության կառույցի անունը մարդկանց մոտ լրջության ու հրատապության զգացում է առաջացնում՝ բթացնելով զգոնությունը։ Եվ երկրորդ՝ այն խարխլում է վստահությունը։ Երբ սփյուռքյան կառույցներն ու հասարակական կազմակերպությունները վիրուսակիր նամակներ են ստանում ՀՀ պաշտոնական գերատեսչության անունից, դա անխուսափելիորեն կասկածամտություն և լարվածություն է ստեղծում Սփյուռքի ու Հայաստանի պետական կառույցների միջև։

ավելին
254 մլն դրամի վնաս շրջակա միջավայրին․ ԲԸՏՄ-ն բացահայտել է ապօրինի ընդերքօգտագործման 114 դեպք Բնապահպանության և ընդերքի տեսչական մարմնի կողմից 2026թ. հունվարի 1-ից սեպտեմբերի 30-ն ընկած ժամանակահատվածում թվային գործիքների, անօդաչու թռչող սարքերի կիրառմամբ իրականացված վերահսկողության արդյունքում հայտնաբերվել է ապօրինի ընդերքօգտագործման և արդյունահանված ծավալները թաքցնելու 114 դեպք, որից 24-ը հայտնաբերվել է ընդերքօգտագործման իրավունք ունեցող ընկերություններում իրականացված ստուգումների արդյունքում, իսկ

ավելին
Վիճաբանություն և ծեծկռտուք՝ Ամուլսարի հանքավայրում. կան վիրավորներ Հոկտեմբերի 6-ին վիճաբանություն և ծեծկռտուք է տեղի ունեցել Վայոց ձորի մարզի Ամուլսարի հանքավայրերից մեկում։ Այդ օրը ՀՀ ՆԳՆ ոստիկանության համայնքային ոստիկանության գլխավոր վարչության Ջերմուկի բաժնում օպերատիվ տեղեկություններ են ստացվել, որ «Լիդիան Արմենիա» Ամուլսարի ՓԼ-7 տեղամասում աշխատանքային հարցերի շուրջ մի խումբ անձանց միջև վիճաբանություն է տեղի ունեցել, որը հետո վերածվել է ծեծկռտուքի։

ավելին
Դրական եզրակացություն՝ Զառիթափի ոսկու կորզման ֆաբրիկայի կառուցման ՇՄԱԳ հայտին 2026 թվականի հոկտեմբերի 14-ի մեկ այլ որոշմամբ Շրջակա միջավայրի նախարարության «Շրջակա միջավայրի վրա ազդեցության փորձաքննական կենտրոն»-ը «Ջի Էմ Էն Գոլդ Մայնինգ» ՍՊԸ կողմից ներկայացված Վայք համայնքի զառիթափ բնակավայրի տարածքում նախատեսվող հանքաքարի հանքանյութի և խտանյութի վերամշակման գործարանի շրջակա միջավայրի վրա ազդեցության գնահատման հաշվետվությանը տվել է պետական փորձաքննական դրական եզրակացություն՝ պարտադիր կատարման ենթակա պահանջների ապահովման պայմանով։

ավելին
«Անկախ դիտորդ» դաշինքը ահազանգում է Սպիտակ համայնքում վարչական ռեսուրսի և պաշտոնական լիազորությունների ենթադրյալ չարաշահման վերաբերյալ «Անկախ դիտորդ» դաշինքը հայտարարություն է տարածել, որում ասվում է․ «Սպիտակ համայնքում 2026 թվականի նոյեմբերի 29-ին սպասվում են ավագանու ընտրություններ, որին մասնակցելու համար առաջադրվել են «Քաղաքացիական պայմանագիր», «Բարոյական արժեքներ» և «Ուժեղ Հայաստան» կուսակցությունները։ Անկախ Դիտորդ դաշինքը իր մտահոգությունն է հայտնում առ այն, որ Սպիտակ համայնքի ղեկավար Քաջայր Նիկողոսյանը, որը գլխավորում է «Քաղաքացիական պայմանագիր» կուսակցության ընտրական ցուցակը, իր պաշտոնական լիազորություններն օգտագործում է մրցակից քաղաքական ուժերի նկատմամբ առավելություն ստանալու նպատակով»։

ավելին
Դրական եզրակացություն՝ Զառիթափի Սոֆի-Բինայի ոսկու հանքավայրի շահագործման հայտին ՀՀ Շրջակա միջավայրի նախարարության «Շրջակա միջավայրի վրա ազդեցության փորձաքննական կենտրոն»-ը 2026 թվականի հոկտեմբերի 14-ին դրական եզրակացություն է տվել «ՋիԷմԷն Գոլդ Մայնինգ» ՍՊԸ կողմից Վայք համայնքի Զառիթափ բնակավայրի Սոֆի-Բինայի ոսկի բազմամետաղային հանքավայրի արդյունահանման / ժամկետի երկարաձգման/ շրջակա միջավայրի վրա ազդեցության գնահատման հաշվետվությանը։ Շրջակա միջավայրի նախարարությունը դրական եզրակացություն է տվել մի շարք փորձաքննական պահանջների կատարմամբ։

ավելին
Կաշառքի մի շարք դեպքեր են բացահայտվել․10 անձի մեղադրանք է ներկայացվել Հակակոռուպցիոն կոմիտեի կողմից իրականացված օպերատիվ-հետախուզական միջոցառումների արդյունքում նախաձեռնված քրեական վարույթի նախաքննությամբ բացահայտվել են կաշառք տալու և ստանալու մի շարք դեպքեր: Մասնավորապես՝ պարզվել է, որ Երևանի քաղաքապետարանի Կենտրոնի և Նորք Մարաշի ՔԿԱԳ տարածքային բաժնի պաշտոնատար անձը, օգտագործելով իշխանական և ծառայողական լիազորությունները, քաղաքացու տվյալները մուտքագրելու և վերջինիս նոր ծննդյան վկայական տրամադրելու գործընթացը կազմակերպելու համար ստացել է 100 ԱՄՆ դոլար կաշառք:

ավելին
Վանաձորցի տղամարդն ստեղծել է հանցավոր խումբ՝ նախապատրաստելով սպանություն․ 3 անձ կալանավորված է․ՆԳՆ ՆԳՆ քրեական ոստիկանության Լոռու մարզային վարչությունում ստացվել էին օպերատիվ տվյալներ, որ Վանաձորի բնակիչ քրեական ենթամշակույթ կրող 38-ամյա տղամարդը ստեղծել է հանցավոր խումբ՝ ներգրավելով Լոռու մարզի և հանրապետության տարբեր բնակավայրերի՝ հանցավոր գործունեությամբ զբաղվող անձանց, ովքեր տարբեր մարզերում պլանավորել, նախապատրաստել և կատարել են Քրեական օրենսգրքի տարբեր հոդվածներով նախատեսված մի շարք ծանր ու առանձնապես ծանր հանցագործություններ։ Հայտնաբերվել են տարբեր տեսակի զենքեր, կեղծ թղթադրամներ, թմրամիջոցներ, քրեական ենթամշակույթին բնորոշ իրեր ու առարկաներ։ Ձերբակալվել և վարույթն իրականացնող մարմին է ներկայացվել 5 անձ։ Նրանց նկատմամբ հարուցվել է հանրային քրեական հետապնդում։ Երեք անձ կալանավորվել է։

ավելին
Greenpeace-ը քննադատում է COP17 ՄԱԿ-ի կենսաբազմազանության գագաթնաժողովը Շաբաթ օրը՝ հոկտեմբերի 31-ին, հանդիպման ավարտից հետո, «Գրինփիս Բելգիա»-ն (Greenpeace Belgium) հայտարարել է, որ Երևանում կայացած ՄԱԿ-ի կենսաբազմազանության հարցերով COP17 գագաթնաժողովը չի ապահովել բնության կորուստը կասեցնելու համար անհրաժեշտ գործողությունները,- գրում է The Brussels Times-ը Շուրջ 200 երկրների պատվիրակներ անցած 2 շաբաթն անցկացրել են ՀՀ մայրաքաղաքում՝ քննարկելով 2022 թ. Կունմինգ-Մոնրեալի կենսաբազմազանության գլոբալ շրջանակային համաձայնագրով սահմանված 23 թիրախները։ Այդ համաձայնագրով՝ մասնակից բոլոր երկրները պարտավորվել են իրականացնել մի շարք միջոցառումներ, այդ թվում՝ մինչև 2030 թվականը պաշտպանության տակ առնել ցամաքի և օվկիանոսների 30 տոկոսը։

ավելին
Աշխատավարձերի բարձրացում և զբաղվածության երաշխիքներ․Գերմանիայի խոշորագույն արհմիությունը գործադուլներ է սկսել․ Reuters Գերմանիայում սկսվել են մետաղամշակման և էլեկտրատեխնիկական ոլորտների աշխատողների գործադուլները, -գրում է Reuters-ը։ Երկրի խոշորագույն արդյունաբերական արհմիության՝ IG Metall-ի անդամները պահանջում են 12 ամսվա ընթացքում աշխատավարձերը բարձրացնել 5%-ով, ինչպես նաև աշխատատեղերի և արդյունաբերական ձեռնարկությունների պահպանման երաշխիքներ տրամադրել։

ավելին
«Համայնքի բնակիչը գիտի իրեն ինչ է պետք․իր արդար քրտինքով առողջ միջավայրում ապրել, աշխատել ու որևէ մեկին խնդրելու կարիք չունի» Վարդուհի Անանյան «Համայնքի բնակիչը գիտի իրեն ինչ է պետք։ Օրերս մի հանրային լսման ժամանակ մի երիտասարդի, ով զբաղվում էր անասնապահությամբ, ասում էին՝ գայիր խնդրեիր այդ հանքարդյունաբերողը քեզ էլ գործ տար։ Մենք մոռանում ենք, որ մարդը իր գործն ունի և ուզում է իր արդար քրտինքով առողջ միջավայրում ապրել և աշխատել և որևէ մեկին որևէ բան խնդրելու կարիք չունի։ Ինչո՞ւ որևէ հանքարդյունաբերող չի գալիս ասում՝ ես քո գոմում կաշխատեմ կամ քո կաթի առաքիչը կլինեմ։ Մարդիկ չունեն դրա կարիքը և գիտեն՝ ինչպես ապրեն և զարգացնեն իրենց կանաչ տնտեսությունը»,- Գյումրիում կայացած հեռուստաքննարկմանը հանրային լսումներին բնակիչների մասնակցության ու համայնքների զարգացման այլընտրանքային ուղիների վերաբերյալ նման կարծիք է հայտնել Էկոակտիվիստ, «Կանաչ խորհուրդների դաշնություն» էկոակտիվիստական շարժման անդամ Վարդուհի Անանյանը։

ավելին
«Կարճ ֆինանսական հոսքեր ունենալու մղումը չպետք է խլացնի համայնքի ձայնը» Օլեգ Դուլգարյան (տեսանյութ) «Ողջ Հայաստանում, կարող ենք ասել, որ ունենք որոշակի լսելիության մակարդակ, սակայն, դա շատ դեպքերում կախված է լինում կոնկրետ հանգամանքներից՝ ով է տվյալ համայնքի ղեկավարը, ով է շահագրգիռ շրջանակը ներկայացնում»,- Գյումրիում բնապահպանական թեմաների շուրջ քննարկմանն ասել է իրավապաշտպան-բնապահպան Օլեգ Դուլգարյանը։ Նա կարևորել է հատկապես հանքարդյունաբերական ոլորտում լիազոր մարմինների՝ շրջակա միջավայրի ազդեցության գնահատման փորձաքննական կենտրոնի աշխատելաոճը, որը տարբեր տարիների ընթացքում տարբեր դրսևորումներ է ունեցել։ Ըստ Դուլգարյանի, շատ հաճախ են ականատեսը լինում, որ ողջ համայնքի բնակիչները դեմ են, բայց, ի վերջո գործընթացները հանգեցնում են նրան, որ այս կամ այն գործունեությանը տրվում է դրական եզրակացություն։ Սրան զուգահեռ, սակայն, կան դեպքեր, երբ իսկապես համայնքի բնակիչների կարծիքը հաշվի է առնվել։

ավելին
15 տարեկան 3 տղաներ ծայրահեղ ծանր վիճակում հիվանդանոց են տեղափոխվել Հոկտեմբերի 31-ին՝ ժամը 16։30-ի սահմաններում Երևանի 1-03 շտապօգնության բժիշկների հերթապահ խմբերը «Սուրբ Աստվածամայր» բժշկական կենտրոն են տեղափոխել 3 անչափահաս տղաների,- գրում է Shamshyan.com-ը։ Նրանք վնասվածքներն ստացել են Մալաթիայի շուկայի հարևանությամբ գտնվող Սեբաստիա 141 հասցեի հարակից տարածքում տեղի ունեցած միջադեպի ժամանակ։

ավելին
Հայաստանում երբեք լիարժեք չի գնահատվել մետաղական հանքերի իրական ազդեցությունը բնական միջավայրի ու մարդկանց առողջության վրա․ Լևոն Գալստյան Բնապահպան-աշխարհագրագետ Լևոն Գալստյանն իր ֆեյսբուքյան էջում գրում է․ «Բացատրելու կարիք կա․ Հայաստանում երբեք լիարժեք չի գնահատվել և գնահատվում մետաղական հանքերի իրական ազդեցությունը բնական միջավայրի (ջրեր, հող, կենսաբազմազանություն, օդ և այլն), մարդկանց առողջության և սոցիալական վիճակի վրա։ Պետությունն էլ այդ գնահատումների իրական փորձաքննություն երբեք չի արել տարբեր պատճառներով՝ քաղաքականից սկսած, վերջացրած տնտեսականով, ինչպես նաև բավարար մասնագիտական որակավորում ունեցող փորձագետների բացակայությամբ։ Մեկ անգամ ստիպված պատվիրել են միջազգային փորձաքննություն 2019թ-ին և ԷԼԱՐԴ-ի տված 190 էջանոց եզրակացությունն ամբողջովին ապացուցել է իմ գրածը։ Դա ապացուցվեց նաև Ամուլսարի գործով Վարչական դատարանի 2024թ-ի կայացրած վճով»։

ավելին

CVmedia

Թարմ լուրեր

Խոշոր հանքերի սեփականատերերը պետք է պետությանը տրամադրեն ֆինանսական ապահովագրություն հանքավայրի վերականգնման և փակման ծախսերի համար․ Լևոն Գալստյան

ՀՀ կենտրոնական բանկը ստանում է ահազանգեր ֆինանսական զեղծարարությունների նոր սխեմայի վերաբերյալ

Սոցցանցերում հրապարակումների առնչությամբ հարուցված քրեական գործերը մտահոգություններ են առաջացնում խոսքի ազատության իրավունքի տեսանկյունից

Առաջիկա օրերին մարզերում և Երևանում սպասվում է ձյուն

«Ամուլսար» նախաձեռնությունը «Ոսկին՝ ձեզ, իսկ ջուրը՝ ո՞ւմ…» խորագրով երթ է անցկացրել

ՈՒղիղ եթեր

Ներբեռնել նկար +ը, վիդեո, փաստաթուղթ	ֆայլ ընտրված չէ
Վերնագիր
մանրամասն նկարագիր
հեռախոս
Էլ հասցե
սեղմել

Ուղիղ եթեր

Ուղարկեք ձեր հաղորդագրությունը

24.01.2025

10.08.2023

12.07.2023

04.07.2023

24.06.2023

30.05.2023

30.05.2023

22.04.2023

05.04.2023

01.03.2023

15.02.2023

15.02.2023

14.02.2023

13.02.2023

12.02.2023

11.02.2023

10.02.2023

09.02.2023

03.02.2023

17.01.2023

12.01.2023

11.01.2023

26.12.2022

16.12.2022

23.11.2022

17.11.2022

16.11.2022

16.11.2022

16.11.2022

16.11.2022

15.11.2022

18.10.2022

10.09.2022

02.09.2022

21.08.2022

09.08.2022

24.07.2022

28.06.2022

25.06.2022

22.06.2022

09.06.2022

02.06.2022

02.06.2022

31.05.2022

30.05.2022

24.05.2022

13.05.2022

10.05.2022

18.04.2022

03.04.2022

31.03.2022

28.03.2022

28.03.2022

25.03.2022

24.03.2022

23.03.2022

16.03.2022

10.03.2022

03.03.2022

03.03.2022

02.03.2022

01.03.2022

24.02.2022

22.02.2022

13.02.2022

13.02.2022

11.02.2022

11.02.2022

10.02.2022

10.02.2022

07.02.2022

02.02.2022

25.01.2022

23.01.2022

19.01.2022

17.01.2022

13.01.2022

12.01.2022