«ՈՉ Հանքարդյունաբերությանը Նոյեմբերյան համայնքում» Ֆեյբուքի խմբի ադմինիստրատոր Սուրեն Անանյանը գրում է․ «ԲԱՑ ՀԱՐԹԱԿ, ԱԶԱՏ ԽՈՍՔ ԵՎ ՓԱՍՏԱԲԱՆԱԿԱՆ ՈՒԼՏԻՄԱՏՈՒՄՆԵՐ․

Քիչ առաջ Բերդավանի գյուղապետարանի աշխատակից Թաթուլ Ապրիկյանի փաստաբանից ստացել ենք «նամակ» ծանուցում-ուլտիմատում՝ 1 ժամվա ընթացքում խմբից հեռացնել վերջին հրապարակումը, հակառակ դեպքում սպառնում են դատական հայցով։

Այս առիթով հարկ ենք համարում պաշտոնապես ընդգծել և հիշեցնել բոլորին․

1.  «ՈՉ Հանքարդյունաբերությանը Նոյեմբերյան համայնքում» խումբը ԲԱՑ ՀԱՆՐԱՅԻՆ ՀԱՐԹԱԿ Է, որտեղ յուրաքանչյուր քաղաքացի, բնակիչ, թեկնածու կամ նախաձեռնություն ազատ է արտահայտելու իր տեսակետն ու դիրքորոշումը։
2.  Հատուկ նշենք, որ ես՝ որպես անհատ և էջի ադմինիստրատոր, որևէ անձնական կապ կամ պատասխանատվություն չունեմ ինչպես «ՈՀՆՀ» նախաձեռնության էջի կողմից դրվող հրապարակումների, այնպես էլ խմբում տեղադրվող մյուս նյութերի հետ։ Խումբը ծառայում է բացառապես որպես ազատ արտահայտման քաղաքացիական հարթակ։
3.  ԱՅՍ ԽՄԲԻՑ ՈՐԵՎԷ ՆՅՈՒԹ ԵՐԲԵՔ ՉԻ ՀԵՌԱՑՎՈՒՄ։ Սա մեր սկզբունքային դիրքորոշումն է․ մենք չենք զբաղվում ցենզուրայով կամ տեքստեր ջնջելով, մենք ապահովում ենք ազատ խոսք և հանրային թափանցիկություն։

Այնպես որ, ՄԵՆՔ ՈՉ ՄԻ ԳՐԱՌՈՒՄ ՉԵՆՔ ՀԵՌԱՑՆԵԼՈՒ։

Եթե որոշել եք դատարան գնալ՝ համեցե՛ք․ այնտեղ ավելի մանրամասն կներկայացվեն թե՛ ձեր վարչական չարաշահումները, թե՛ համայնքային ռեսուրսների կառավարման իրական փաստերը»։