Չեխիայի հանրային հեռուստատեսության ու ռադիոյի աշխատակիցներն այսօր զանգվածային գործադուլ են անում՝ ընդդեմ մեդիայի ֆինանսավորման փոփոխության,- իր ֆեսյբուքյան էջում գրել է Չեխիայում բնակվող Լիլիթ Քալանթարյանը։
Կառավարությունն առաջարկում է չեղարկել մեդիա ամսավճարները, որոնք վճարվում են բնակիչների կողմից և անցնել պետբյուջեից ուղիղ ֆինանսավորման։ Լրագրողների համոզմամբ՝ սա ուղիղ սպառնալիք է անկախ լրատվությանը։
Ի նշան բողոքի՝ նոյեմբերի 3-ի եթերում հաղորդավարները սևազգեստ են, իսկ լուրերը՝ կրճատված։
Սա հերթական ցույցն է․ անցած շաբաթ փողոց էր դուրս եկել մոտ 50 հազար մարդ։ Պայքարին Պրահայում, Բռնոյում և մյուս քաղաքներում միանում են ուսանողներ, մշակույթի, հասարակական ու քաղաքական գործիչներ, և ակցիաները շարունակվելու են։
