Այսօր 2026թ․ հոկտեմբերի 24-ին էկոակտիվիստ Շավարշ Մարգարյանը միայնակ ակցիա-ֆլեշմոբ իրականացրեց COP17-ի Կապույտ գոտու հարակից տարածքում։
«Կանաչ խորհուրդների դաշնություն» էկո-ակտիվիստական շարժման համահիմնադիր, «Ցիտադել» ՀԿ նախագահ Շավարշ Մարգարյանը տեղական և միջազգային կազմակերպությունների ուշադրությունն է հրավիրում Հայաստանում հանրային մասնակցության դեմ ուղղված ուղղված դատական հայցերին և պահանջում, որ Հայաստանի կառավարությունն ընդունի հակա-SLAPP օրենսդրություն։
Ակտիվիստն անձամբ առնչվում է SLAPP՝ հանրային մասնակցությունը լռեցնելուն ուղղված դատական հայցի հետ, և այս ակցիայով ցանկանում է իր խնդրի վրա հրավիրել նաև Հայաստանում գտնվող միջազգային հանրության, բնապահպանական կազմակերպությունների և լրատվամիջոցների ուշադրությունը։
«Ես խոսեցի, ինձ դատեցին» գրությամբ պաստառով և ոտքին ամրացված խորհրադանշական 13. 000.000 կգ կշռաքարով ակտիվիստը կանգնած մնաց 3 ժամ։ Կշռաքարի վրայի թիվը խորհրդանշում է այն գումարի չափը (13 մլն դոլար)б որն ակտիվիստից պահանջում է դատարանը։
Ակցիան «Հանրային ձայնի երաշխիք» արշավի մի մասն է, որի շրջանակում էկո-ակտիվիստները բարձրաձայնում են Հայաստանում հակա-SLAPP օրենսդրության ընդունման անհրաժեշտությունը՝ բնապահպաններին, լրագրողներին և հանրային շահը պաշտպանող քաղաքացիներին լռեցման հայցերից պաշտպանելու համար։
