Իրավապաշտպան, ՀՔԱՎ գրասենյակի ղեկավար Արթուր Սաքունցը գրել է․ «Նախկին ռեժիմի քաղաքական ուժերն իրենց կառավարման ժամանակ ավելի լուրջ էին վերաբերվում քաղհասարակությանը քան իրենց ընդդիմադիր կուսակցություններին, և ներկայումս էլ ավելի լուրջ են վերաբերվում քաղհասարակությանը, քան ներկա իշխանությանը:
Սա է իրողությունը:
Իսկ ընդհանրապես քաղհասարակության պիտակավորումը կամ արժեզրկումը ժողովրդավարական մտածողության ցուցանիշ չի եղել ու չի կարող լինել:
Քաղհասարակության ինստիտուտները միշտ պատրաստ են եղել ու պատրաստ են համագործակցել, ու գործել են բացառապես ժողովրդավարական, իրավական, սոցիալական ու ինքնիշխան Հայաստանի Հանրապետության կայացման, զարգացման և հզորացման, և ոչ թե որևէ քաղաքական կուսակցության կամ իշխանության շահերի սպասարկման համար:
Զգոնացեք:
Ժողովրդավարական, իրավական,ինքնիշխան ու սոցիալական պետությունը, հասարակությունը ըստ այսրոպեական, կարճաժամկետ շահերի բաժան- բաժան անելու, շռայլելու ժամանակ, ռեսուրս, հնարավորությունը չունենք»:
