Meduza-ն գրում է․
Կրասնոդարի երկրամասում «նավթամթերքների հնարավոր արտահոսքի» պատճառով բարձր պատրաստվածության ռեժիմ է մտցվել։ Համապատասխան կարգադրությունը հոկտեմբերի 13-ի երեկոյան ստորագրել է նահանգապետ Վենիամին Կոնդրատևը։
Փաստաթղթում նշվում է, որ Սևծովյան ջրային տարածքում նավերի վրա ծովային դրոնների հարձակումների հետևանքով «վթարներ են տեղի ունեցել», ինչի պատճառով արտակարգ իրավիճակի սպառնալիք է առաջացել Գելենջիկի և Նովոռոսիյսկի սահմաններում։
Ընդ որում, Սոչիի լողափերում «լողալու սահմանափակումներ» էին մտցվել։ «Գրինփիս»-ի բնապահպանները հայտնել էին, որ Սև ծովում մոտ 25 քառակուսի կիլոմետր տարածքով նավթային հետք է գոյացել։ Համաձայն արբանյակային լուսանկարների՝ հոկտեմբերի 7-ին ցերեկը ենթարկված տանկերը գտնվել է Լազարևսկոյե ավանի մոտակայքում, այսինքն՝ հրդեհի վայրից մոտ 50 կիլոմետր հեռավորության վրա։
Այդ ժամանակ բնապահպանները ջրի մակերեսին նկատել էին նավթամթերքի շերտ՝ մոտ ութ քառակուսի կիլոմետր տարածքով։ Հոկտեմբերի 8-ին ցերեկը նավն արդեն Տուապսեից այն կողմ էր, իսկ արբանյակային լուսանկարի նավթային բիծը մեծացել էր՝ հասնելով 25 քառակուսի կիլոմետրի։ Կամավորները սկսել են ափին հայտնաբերել նավթամթերքով ապականված թռչուններ։
Ամբողջական հոդվածը՝ սկզբնաղբյուրում։
