ՊԵԿ նախկին նախագահ, ֆինանսների նախկին նախարար Գագիկ Խաչատրյանից առգրավված 70 կտավներ ճանաչվել են իրեղեն ապացույց։ Կտավներն ի պահ են հանձնվել Ազգային պատկերասրահին։
Հայաստանի Հանրապետության գլխավոր դատախազ Աննա Վարդապետյանը, ՀՀ քննչական կոմիտեի նախագահ Արթուր Պողոսյանի հրավերով, ՀՀ կրթության, գիտության, մշակույթի և սպորտի նախարար Ժաննա Անդրեասյանի հետ այցելել է Հայաստանի ազգային պատկերասրահ։ Նրանք շրջել են պատկերասրահում, որտեղ ի պահ են հանձնված քրեական վարույթի շրջանակում Խաչատրյանից առգրավված կտավները:
Ցուցադրությունը բաց է հանրության համար:
ՀՀ գլխավոր դատախազություն
