Մանկական ուռուցքաբան Գևորգ Թամամյանը հայտարարել է Առողջապահության համաշխարհային կազմակերպության (ԱՀԿ) գլխավոր տնօրենի պաշտոնում իր թեկնածության առաջադրման մասին։ Նրա թեկնածությունն առաջադրել է Բոտսվանայի Հանրապետությունը,- այս մասին նա գրել է ֆեյսբուքյան իր էջում։։
Թամամյանը շնորհակալություն է հայտնել Բոտսվանայի նախագահ Դումա Գիդեոն Բոկոյին և երկրի կառավարությանը՝ վստահության համար։ Ներկայացնելով իր տեսլականը՝ նա ընդգծել է, որ ԱՀԿ-ն պետք է դառնա ավելի արագ արձագանքող, արդյունավետ և անդամ պետությունների հետ սերտ համագործակցող կազմակերպություն։
«Աշխարհագրությունը չպետք է որոշի, թե ով կապրի»,- նշել է Թամամյանը՝ անդրադառնալով մանկական ուռուցքաբանության ոլորտում իր աշխատանքային փորձին։ աՆրա խոսքով՝ առաջիկա ամիսներին նախատեսում է հանդիպումներ և քննարկումներ ունենալ ԱՀԿ անդամ պետությունների ներկայացուցիչների հետ աշխարհի տարբեր տարածաշրջաններում։
