Հանրային ծառայողների, բարձրաստիճան պաշտոնյաների աշխատավարձերը գրեթե կրկնակի կբարձրանան։ Համապատասխան օրենսդրական փաթեթն այսօր ընդունեց Հայաստանի կառավարությունը։ Այն առաջիկայում կքննարկի նաև Ազգային ժողովը։

 

Նոր օրենսդրական կարգավորումներով նախագահի աշխատավարձի գործակիցը 19-ից կդառնա 32, այս տրամաբանությամբ նախագահի աշխատավարձը գրեթե կկրկնապատկվի՝ 1.5 միլիոնից կդառնա 2.6 միլիոն։ Վարչապետի աշխատավարձը կդառնա 2 6 միլիոն, փոխվարչապետներինը՝ 2.1 միլիոն ։

Նախարարները ամսական աշխատավարձը կկազմի շուրջ 2 միլիոն դրամ՝ 998 000 դրամի փոխարեն։

Էականորեն կբարձրանան Ազգային ժողովի նախագահի, նրա տեղակալների, հանձնաժողովի նախագահների, ուժայինների, դատական իշխանության աշխատավարձերը։ 

Կշարունակի գործել նաև պարգևավճարների գործող համակարգը։