«ՋիԷմԷն Գոլդ Մայնինգ» ՍՊԸ-ն նոր հանրային քննարկում է նախատեսել Վայքի Զառիթափ բնակավայրում ՀՀ Վայոց ձորի մարզի Վայք համայնքի Զառիթափ բնակավայրի տարածքում թափոնների տեղադրման օբյեկտ կառուցելու վերաբերյալ։

Հանրային քննարկումները նախատեսված են 2026թ․ սեպտեմբերի 11-ին ժամը 12։00-ին։

Հիշեցնենք, որ այս նախաձեռնությունը Զառիթափում ոսկու կորզման ֆաբրիկայի կառուցման նախագծից առանձնացված հատվածն է։ Օգոստոսի 21-ին կայացած հանրային քննարկման ժամանակ ընկերության ներկայացուցիչը հայտարարեց, որ իրենք ֆաբրիկայի կառուցման նախագծում ելակետային փոփոխություններ չեն կատարել, բայց որոշել են թափոնների կուտակման վայրի համար նախաձեռնությունը սկսել առաջին փուլով։