Օգոստոսի 27-ին նշվում է Լճերի համաշխարհային օրը։

ՄԱԿ-ի տվյալներով՝ Երկիր մոլորակում հաշվվում է ավելի քան 117 միլիոն լիճ:

Դրանք զբաղեցնում են ցամաքի մակերեսի գրեթե 4%-ը և հանդիսանում են Երկրի կարևորագույն բնական պաշարներից մեկը:

 

Լճերն ապահովում են մեզ քաղցրահամ ջրով, պահպանում կենսաբազմազանությունը, օգնում կարգավորել կլիման, ինչպես նաև կարևոր դեր են խաղում տնտեսության և մարդկանց կյանքում:

 

Սակայն աղտոտման, չափազանց շահագործման և կլիմայի փոփոխության պատճառով լճերն անհետանում են սպառնալի արագությամբ:

 

Անհրաժեշտ է արդեն այսօր միջոցներ ձեռնարկել լճերի պաշտպանության համար, որպեսզի դրանք պահպանվեն ներկա և ապագա սերունդների համար:

Թեև քաղցրահամ ջրի մեծ մասը կենտրոնացած է սառցադաշտերում և գետնի տակ, լճերը պարունակում են համաշխարհային մակերևութային պաշարների մոտ 90%-ը՝ մնալով հասանելի ջրի կարևորագույն աղբյուր։

Եթե շարունակենք ճնշում գործադրել լճերի վրա, դրանք կհայտնվեն անկման եզրին։ Մինչև 2050 թվականը դրանց էկոհամակարգերի արժեքը կարող է նվազել 20%-ով, աղտոտվածությունը՝ կրկնապատկվելուց ավելի, իսկ մեթանի արտանետումները՝ կտրուկ աճել, ինչը վնաս կհասցնի շրջակա միջավայրին և տնտեսությանը։

 

Վերջին 50 տարվա ընթացքում քաղցրահամ ջրի տեսակների թիվը նվազել է 85%-ով։