ՀՀ երկրորդ նախագահ, ընդդիմադիր «Հայաստան» խմբակցության առաջնորդ Ռոբերտ Քոչարյանը Հակակոռուպցիոն կոմիտեից տեղափոխվել է հիվանդանոց. «Ազատությանը» հայտնեց փաստաբան Ալեքսանդր Կոչուբաևը:

Ավելի վաղ շտապօգնության մեքենա էր ժամանել Հակակոռուպցիոն կոմիտե:

Ռոբերտ Քոչարյանն ու և նրա որդին՝ գործարար Սեդրակ Քոչարյանը ձերբակալվել են այսօր վաղ առավոտյան: Նույն քրեական վարույթի շրջանակում ձերբակալվել է ևս չորս անձ, նրանց անունները իրավապահները, սակայն, չեն նշել:

Փաստաբանի փոխանցմամբ՝ Սեդրակ Քոչարյանին տանում են դատարան՝ կալանքի հարցը քննարկելու:

Հակակոռուպցիոն կոմիտեն առայժմ չի հայտնել, մյուս ձերբակալվածների նկատմամբ կալանավորման միջնորդություն կներկայացվի՞, թե՞ ոչ։