Այսօր՝ օգոստոսի 21-ին, Վայոց ձորի մարզի Վայք համայնքի Զառիթափ բնակավայրում նախատեսված հանարային քննարկումները մեկնարկեցին թեժ բանավեճով։
Քննարկումները նախաձեռնել է «ՋԻԷՄԷՆ ԳՈԼԴ ՄԱՅՆԻՆԳ» ՍՊԸ-, որը ցանկանում է Վայոց ձորի մարզի Սոֆի-Բինայի ոսկի-բազմամետաղային հանքավայրի արդյունահանման աշխատանքների ժամկետի երկարաձգման և Զառիթափ բնակավայրի վարչական տարածքում հանքաքարի, հանքանյութի և խտանյութի վերամշակման գործարանի կառուցման թույլտվություններ ստանալ։
Հանրային լսումները խնդրահարույց են այն առումով, որ նախագիծը մեկ անգամ բացասական եզրակացություն ստանալուց հետո, նորից ներկայացվել է փորձաքննության առանց առաջին՝ նախնական հանրային լսման և համայնքի ավագանու համաձայնության։ Ըստ գործող օրենքի՝ նախագծի վերաբերյալ համայնքի ավագանին 30 օրյա ժամկետում տալիս է նախագծի վերաբերյալ իր նախնական համաձայնությունը կամ անհամաձայնությունը, իսկ եթե նշված ժամկետում ավագանին որոշում չի կայացնում, լիազոր մամինը փորձաքննական փուլը սկսում է հիմք ընդունելով առաջին հանրային քննարկման արձանագրությունը և ձայնագրությունը։
