Բնապահպան իրավաբան, «Հայաստանի անտառներ» Հասարակական կազմակերպության տնօրեն Նազելի Վարդանյանի դեմ Լիդիան Արմենիան 2026թ․ փետրվարի17-ին երկրորդ դատական հայցն է ներկայացրել՝ պահանջելով հերքել 2026թ․ հունվարի 20-ին panorama.am կայքում լույս տեսած հոդվածի վերաբերյալ հերքում և 6 000 000 ՀՀ դրամ, որպես գործարար համբավին պատճառված վնասի փոխհատուցման գումար։

Սա ընկերության երկրորդ հայցն է Նազելի Վարդանյանի դեմ, բայց ընդհանուր թվով երեք հայց կա, որով պատասխանողը Նազելի Վարդանյանն է։

Նազելի Վարդանյանի համար անհասկանալի թ ինչն է հերքելու, այն ինչ գրած է օրենքո՞ւմ։

Արդեն Մարդու իրավունքների դատարանում քննվող հայցը «Լիդիան Արմենիա» ՓԲԸ-ն Նազելի Վարդանյանի դեմ ներկայացրել էր է 2018թ․ դեկտեմբերի 21-ին՝ 29.11.2018թ. տեղի ունեցած մամուլի ասուլիսի ընթացքում Նազելի Վարդանյանի կողմից ներկայացված զրպատություն համարվող տվյալները հրապարակայնորեն հերքել պարտավորեցնելու, փոխհատուցման գումարի բռնագանձման և դատական ծախսի հարցի լուծման պահանջներով։

Այս հայցի վերաբերյալ դատարանը 2020թ․ հունիսի 10-ին որոշում էր ընդունել՝ «Լիդիան Արմենիա» ՓԲ ընկերության հայցն ընդդեմ Նազելի Զավենի Վարդանյանի` զրպարտություն համարվող փաստացի տվյալները հրապարակայնորեն հերքել պարտավորեցնելու և գումար բռնագանձելու պահանջների մասին բավարարել էր մասնակի։ Հատկանշական է, որ հայցի մեջ նշված է, որ Նազելի Վարդանյանը այդ արտահայտությունը արել է 2018 թ․, բայց դատարանի վճռում նշված է, որ այդ արտահայտությունը Նազելի Վարդանյանն արել է 2019 թվականին։ Նզելի Վարդանյանը նշում է նաև, այն արտահայտությունները, որոնք ընկերությունը զրպարտություն է համարել, և իրեն պարտավորեցրել են հերքել, ինքն արել է ոչ թե մամուլի ասուլիսի ժամանակ, աշխատանքային հանդիպման ժամանակ։

Նազելի Վարդանյանի դեմ մեկ հայց էլ ներկայացրել է է Արամ Օսիկյանը և «ՄԵՏԱ ԳՈԼԴ» ՍՊԸ-ն 2025թ․ օգոստոսի 7-ին ՝ պահանջելով, որ Նազելի Վարդանյանը հերքի 2025թ․ հուլիսի 7-ին ժամը 18։00-ին Եղեգնաձորի մշակույթի պալատում (հայցում գրված է համայնքապետարանում․-խմբագրություն) տեղի ունեցած հանրային քննարկման ժամանակ «ՄԵՏԱ ԳՈԼԴ» ՍՊԸ-ի և Արամ Օսիկյանի հասցեին հնչեցրած արտահայտությունները, ինչպես նաև պատասխանողներ Նազելի Զավենի Վարդանյանից և «ՀԱՅԱՍՏԱՆԻ ԱՆՏԱՌՆԵՐ» ՀԿ-ից՝ համապարտության կարգով, հօգուտ Հայցվորներ «ՄԵՏԱ ԳՈԼԴ» ՍՊԸ-ի և Արամ Օսիկյանի բռնագանձել 1,000,000 (մեկ միլիոն) ՀՀ դրամ՝ որպես զրպարտության միջոցով «ՄԵՏԱ ԳՈԼԴ» ՍՊԸ-ի գործարար համբավին և Արամ Օսիկյանի պատվին ու արժանապատվությանը պատճառված ոչ նյութական վնասի փոխհատուցում։

Այս հայցի քննությունը դադարեցվել է՝ հայցվող կողմի երկու անգամ անհարգելի բացակայելու հիմքով, որը հայցվորները բողոքարկում են համապատասխան ատյաններում։