ԱՄՆ-ում ծայրահեղ շոգը տապալում է Անկախության օրվա 250-ամյակի տոնակատարությունը։ Հուլիսի 4-ի ցերեկային տոնական միջոցառումները սկսել են չեղարկել երկրի արևելյան նահանգներում՝ Նյու Ջերսիում, Փենսիլվանիայում, Մերիլենդում և Կոլորադոյում։ «Մենք պարզապես չենք կարող նման մասշտաբի միջոցառում անցկացնել այսպիսի վտանգավոր շոգի պայմաններում»,- BBC-ն մեջբերում է Փենսիլվանիայի շքերթի կազմակերպիչներից մեկի խոսքը։

Վաշինգտոնում նույնպես չեղարկվել են Անկախության օրվան նվիրված առավոտյան միջոցառումները։ Քաղաքում դադարեցրել է գործունեությունը նաև Ազգային ծառուղու (National Mall) տոնավաճառը, այն բանից հետո, երբ շտապօգնությունն այնտեղից ջերմային հարվածով առնվազն 11 մարդու է տեղափոխել հիվանդանոց։

Ֆիլադելֆիայում և Վաշինգտոնում օդի ջերմաստիճանը, ըստ կանխատեսումների, կհասնի համապատասխանաբար 40°C-ի և 39°C-ի, սակայն բարձր խոնավության պատճառով զգացվող ջերմաստիճանը կկազմի 44°C և 43°C, ինչը այն կմոտեցնի պատմական ռեկորդներին։