Ալեն Սիմոնյանը հայտարարել է, որ չի վերցնելու պատգամավորական մանդատը և չի վերադառնալու Ազգային ժողով։
«Նեղվածություն, որպես այդպիսին, չունեմ։ Ենթադրում եմ, որ ինչ-որ պահի, ինչ-որ տեղում օգտակար կլինեմ մեր երկրին»,- այսօր խորհրդարանում ճեպազրույցի ժամանակ լրագրողների հարցին ի պատասխան ասաց ԱԺ նախագահ Ալեն Սիմոնյանը։ Նշեց, որ Փաշինյանի հետ քննարկումների արդյունքում է որոշել, որ պետք է որոշ ժամանակ հանգստանա։
Նշենք, որ օրեր առաջ իշխող «Քաղաքացիական պայմանագիր» կուսակցության վարչությունը որպես նոր գումարման Ազգային ժողովի նախագահի հավանական թեկնածու հաստատեց ԱԺ գործող փոխնախագահ Ռուբեն Ռուբինյանի թեկնածությունը։
