Գերմանիան հասել է «կանաչ էներգետիկայի» մասնաբաժնի ռեկորդային ցուցանիշի. 2026 թվականի առաջին կիսամյակում վերականգնվող աղբյուրները ծածկել են ԳԴՀ-ում էլեկտրաէներգիայի սպառման 58 տոկոսը, ինչը հետևում է Բադեն-Վյուրտեմբերգի Արևային էներգիայի և ջրածնի հետազոտությունների կենտրոնի (ZSW) և Էներգետիկայի ու ջրային տնտեսության գերմանական ասոցիացիայի (BDEW) հաշվարկներից։

Ըստ հետազոտողների տվյալների՝ «կանաչ էներգետիկայի» հիմքը կազմում են քամու և արևային էներգիան, սակայն զարգանում են նաև հիդրոէներգետիկան ու կենսազանգվածի և թափոնների օգտագործումը։

Վերականգնվող աղբյուրներից ստացված էներգիայով շուկայի ապահովման այս ցուցանիշը ռեկորդային է դարձել Գերմանիայի համար։ Համեմատության համար նշենք, որ 2025 թվականի առաջին կիսամյակում այդ մասնաբաժինը կազմում էր 55,2 տոկոս, իսկ 2024 թվականի առաջին կիսամյակում՝ 57 տոկոս։

Միևնույն ժամանակ, արտադրության ծավալները դեռևս հեռու են թիրախային ցուցանիշից. «Վերականգնվող էներգիայի աղբյուրների մասին» օրենքը նախատեսում է, որ մինչև 2030 թվականը ԳԴՀ-ում էլեկտրաէներգիայի սպառման առնվազն 80 տոկոսը պետք է բաժին ընկնի վերականգնվող աղբյուրներին։