ՌԴ նախագահ Վլադիմիր Պուտինը ստորագրել է օրենք, որը, ի թիվս այլ բաների, սահմանում է բջջային սարքավորումների նույնականացման համարի (IMEI) տվյալների բազայի գործունեության սկզբունքները: Այս դրույթը կիբերխարդախության դեմ պայքարի միջոցառումների երկրորդ փաթեթի մաս է կազմում, գրում է ՏԱՍՍ-ը։

ՌԴ նախագահ Վլադիմիր Պուտինը ստորագրել է օրենք, որով, ի թիվս այլնի, սահմանվում են բջջային սարքերի նույնացուցիչ համարների (IMEI) տվյալների բազայի գործունեության հիմքերը։ Այս նորմը ներառված է կիբերխարդախության դեմ պայքարի միջոցառումների երկրորդ փաթեթում։

Օրենքի համաձայն՝ այս տվյալների բազան պարունակելու է տեղեկություններ Ռուսաստանի Դաշնության տարածքում բջջային ցանցերում օգտագործման համար թույլատրված և արգելված օգտատերերի սարքավորումների նույնացուցիչների վերաբերյալ։ «Ռուսաստանի Դաշնության կառավարությունը սահմանում է տվյալների բազային ներկայացվող պահանջները , դրա գործունեության և այլ տեղեկատվական համակարգերի հետ փոխգործակցության կանոնները »,- նշված է օրենքում։

Ինչպես ավելի վաղ «ՏԱՍՍ»-ին պարզաբանել էր Պետդումայի մրցակցության պաշտպանության կոմիտեի առաջին փոխնախագահ Իգոր Իգոշինը, ՌԴ տարածք բջջային սարքեր ներկրելիս յուրաքանչյուրը ստանալու է «եզակի 15-նիշանոց անձնագրային համար» (IMEI համար), որի օգնությամբ հնարավոր կլինի նույնականացնել գաջեթը։

«Օրենքի շրջանակներում ստեղծվում է տվյալների բազա, որը պարունակելու է բոլոր սարքերի IMEI համարները՝ նշումով, թե դրանցից որոնք են թույլատրված օգտագործման համար, և որոնք՝ արգելված։ Ապօրինի ներկրված կամ գողացված սարքը կհայտնվի սև ցուցակում և կդադարի գործել մեր ցանցերում»,- ասել է Իգոշինը։

Բազայում տվյալներ մուտքագրելու իրավունք կունենան օպերատորներն ու պետական մարմինները, որոնց ցանկը կսահմանի կառավարությունը։ Բջջային օպերատորները պարտավոր կլինեն բազայում նշել, թե որ SIM քարտին է կցված տվյալ IMEI համարով սարքը