Սոցիալական ցանցերում հրապարակվել է լուսանկար, որին կից գրառմամբ ասվում է, որ ընտրացուցակում առկա անձը՝ Սոֆյա Բեժանյանը, մահացած է։ FactorTV-ն ստուգել և նույնականացրել է այդ անձի տվյալները ՀՀ ընտրողների ռեգիստրում, այն իրոք կա ՆԳՆ-ի հրապարակած ընտրացուցակում։ Ըստ այդ տվյալների՝ Սոֆյա Բեժանյանը հաշվառված է Երևանի Նորք-Մարաշ վարչական շրջանում՝ Արմենակյան 99 հասցեում, իսկ նրա ընտրատեղամասը 9/01-ն է։  ՀՀ ՆԳՆ Միգրացիայի և քաղաքացիության ծառայությանից հայտնում են,  որ Սոֆյա Բեժանյանի մահը գրանցվել է 2026թ․ մայիսի 29-ին, մինչդեռ վերջնական ընտրացուցակները ստացվել են 2026թ․ մայիսի 27-ին, այդ պատճառով էլ նրա տվյալները մնացել են վերջնական ընտրացուցակներում։