Մայիսի 7-ին ՌԴ-ում ՀՀ արտակարգ և լիազոր դեսպան Գուրգեն Արսենյանը կանչվել է ՌԴ արտաքին գործերի նախարարություն։ Նա հանդիպել է Ռուսաստանի արտաքին գործերի փոխնախարար Միխայիլ Գալուզինի հետ,- տեղեկացնում է Ռուսաստանի արտաքին քաղաքական գերատեսչությունը։
Դիվանագիտական առաքելության ղեկավարին տեղեկացվել է Ուկրաինայի նախագահ Վոլոդիմիր Զելենսկիին վերջերս ԵՄ-ի կողմից հովանավորվող միջոցառումների ժամանակ Հայաստանում հարթակ տրամադրելու կտրականապես անընդունելիության մասին՝ Ռուսաստանի դեմ ահաբեկչական սպառնալիքներ հնչեցնելու համար։
«Ընդգծվել է, որ Մոսկվան արդարացիորեն վրդովված է դրանից և պաշտոնական Երևանի կողմից վերոնշյալ այցելուի նման անպարկեշտ վարքագիծը պատշաճ կերպով բացասական գնահատական չտալը համարում է ռուս-հայաստանյան հարաբերությունների գործընկերային բնույթին անհամատեղելի։
Դեսպանը խոստացել է զեկուցել Երևանին ռուսական կողմի դիրքորոշման մասին»,- ասված է հաղորդագրության մեջ։
