«Ռեստարտ» գիտակրթական հիմնադրամի ծրագրերի համակարգող Յուրի Մովսեսյանը իր ֆեյսբուքյան էջում գրել է՝
Ռուսական շահերի և պատասխանատվության գոտում, ռուս խաղաղապահի քթի տակ 100 հազարից ավել բնիկ ժողովուրդ է բռնի տեղահանման ենթարկվում, սակայն՝ 0 քաղաքական ակցիա ՌԴ-ում և ՀՀ-ում գտնվող ռուս պաշտոնյանների ուղղությամբ X դերակատարների կողմից։
Այնինչ, ՌԴ-ում նույն դերակատարների կողմից կարելի էր ի նշան բողոքի ցույց կազմակերպել հայկական պատվիրակության և ՀՀ փաստացի ղեկավարի դեմ, Մակրոնին մեղադրել Արցախը ուրանալու մեջ, Զելենսկուն՝ Ադրբեջանին ֆոսֆորային զինատեսակներ մատակարարելու մեջ, ԵՄ-ին՝ ժողովրդավարությունը անտեսելու մեջ և այլն, և այլն։
2022-2023-ից Ֆրանսիան շատ կարևոր դեր է խաղացել մի քանի բաղադրիչներով Հայաստանի անվտանգությունն ու զսպման համակարգը ուժեղացնելու առումով։ Եվ այո, Մակրոնը իրավացի է, որ մինչ այդ բոլորը մեզ դիտարկում էին առավելագույնը ռուսական ֆորպոստ, որից չպետք է նեղսրտել, քանի որ իրականությունը դա էր։
Եթե ռուսների հույսը այս անբաշար քաղաքական խմբակներն ու սութի բլոգեռներն են, ապա լրջորեն սխալվում են՝ թերագնահատելով Հայաստանում բնակվողների հասարակական իմունիտետը․ Յուրի Մովսիսյան
