Գերմանիայի 3 կուսակցություններ հայտարարել են X սոցիալական մեդիա հարթակը լքելու մասին: Սոցիալ-դեմոկրատական կուսակցությունը (SPD)՝ կանցլեր Ֆրիդրիխ Մերցի կուսակցության կոալիցիոն գործընկերը, ինչպես նաև ընդդիմադիր «Կանաչներ» և «Ձախեր» կուսակցությունները հայտարարել են, որ «X-ը վերջին տարիներին ընկղմվել էքաոսի մեջ»։
«Մենք այլևս չենք ցանկանում աջակցել X-ի նման հարթակին, որը տարածում է աջակողմյան պոպուլիստական բովանդակություն, ատելության խոսք և ապատեղեկատվություն», - ասվում է SPD-ի Facebook-ում հրապարակված հայտարարության մեջ:
Տեքստին ուղեկցում էր Էլոն Մասկի լուսանկարը, որտեղ նա բարձրացնում էր աջ ձեռքը՝ նացիստական ողջույնի նման ժեստով:
#WirVerlassenX (#ՄենքԼքում ենքX-ը) հեշթեգը, որն օգտագործում էին բոլոր 3 կուսակցություններն իրենց որոշումները հայտարարելու համար, մայիսի 4-ին ամենաթրենդայինն էր Գերմանիայի հարթակում:
Այս հայտարության ֆոնին, սակայն, Գերմանիայի շատ քաղաքական գործիչներ, այդ թվում՝ կանցլեր Ֆրիդրիխ Մերցը, շարունակում են պարբերաբար գրառումներ անել X-ում:
