Հարգելի բնակիչներ,
Վերջին ժամանակահատվածում բնակավայրերի հարակից տարածքներում արձանագրվում են ազնվացեղ եղջերուների մուտքի դեպքեր։ Նշված կենդանին, լինելով համեմատաբար խաղաղ և մարդուն չվտանգող տեսակ, այնուամենայնիվ հանդիսանում է վայրի կենդանի և կարող է անկանխատեսելի վարք դրսևորել՝ հատկապես անհանգստացման կամ սթրեսի ենթարկվելու դեպքում։
Հաշվի առնելով վերոգրյալը՝ հորդորում ենք բոլոր բնակիչներին ցուցաբերել զգոնություն և պատասխանատվություն։ Մասնավորապես՝
զերծ մնալ կենդանուն կերակրելուց կամ որևէ ձևով գրավելու փորձերից,
չմոտենալ եղջերուներին և չփորձել շփվել կամ լուսանկարվել նրանց հետ մոտ տարածությունից,
չստեղծել աղմուկ կամ այլ գործոններ, որոնք կարող են խաթարել կենդանու բնական վարքը։
Հիշեցնում ենք, որ վայրի կենդանիների նկատմամբ նման վերաբերմունքը կարող է վտանգել ինչպես մարդկանց, այնպես էլ կենդանու անվտանգությունը և առողջությունը։
Խնդրում ենք պահպանել անվտանգության կանոնները և նպաստել մարդ–կենդանի համակեցության ապահովմանը՝ հարգելով բնության և կենդանական աշխարհի բնական սահմանները։
Շնորհակալություն համագործակցության համար։
Դեբեդի գյուղապետարան
