ՀՀ Լոռու մարզի Թեղուտ գյուղի բնակիչները 2022 թվականի հունվարի 25-ին «Թեղուտ» ՓԲԸ-ի անցակետի մոտ բողոքի ակցիա իրականացրին՝ փակելով ճանապարհը։ Հավաքված բնակիչները պահանջում էին, որ իրենց հետ հանդիպի անձամբ «Թեղուտ» ՓԲԸ-ի տնօրենը։

Իրենց պահանջներն էին՝ դադարեցնել արտանետումները դեպի Թեղուտի գյուղատնտեսական հողեր և շրջակա միջավայր, Թեղուտի բնակչության համար ապահովել այլընտրանքային զարգացման նոր ուղղություններ և աշխատատեղեր, քանի դեռ Թեղուտի բնակչությունը զրկված է գյուղատնտեսական հողերից, և առայժմ ստեղծված չեն այլընտրանքային զարգացման հնարավորություններ, Թեղուտի գործազուրկ բնակչությանը ապահովել աշխատատեղերով։

Բնակիչներն ասում են, որ բազմիցս գրավոր բողոքներ են ներկայացրել, սակայն որևէ լուծում չի տրվել իրենց պահանջներին։

Մանրամասները տեսանյութում։