Իրավապաշտպան Օլեգ Դուլգարյանը ֆեսյբուքում գրառում է արել․
«Արթուր Օսիպյանը շատ վաղուց իմ ֆեյսբուքյան ընկերն է եղել։ Իրականում իրեն տեսել եմ միայն մեկ անգամ՝ հայտնի էկոակտիվիստ Greta Thunbergի հետ Երևանում քաղաքացիական ակցիայի ժամանակ։
Արթուր Օսիպյանը,Արցախում միշտ պայքարել է քրեաօլիգարխիկ տարրերի և իշխանությունների դեմ, ալան-թալանի դեմ և խիստ քննադատության էր ենթարկում Արցախի բոլոր ժամանակների իշխանություններին՝ իրենց վատ արածի և չարածի համար։
Ինքը հեղափոխական, սոցիալական արդարության մտքերի կրող է եղել միշտ։ Արթուրը հիմա հացադուլի մեջ է, և մեր հասարակության առաջադիմական մարդկանցից մեկը վտանգի է ենթարկում իր առողջությունն ու կյանքը։
«Քաղբանտարկյալ» բառն էլ է Հայաստանում ժամանակի հետ արժեզրկվել, սակայն ինքը հիմա փաստացի այդ կարգավիճակում է։
Արթուր Օսիպյանին անհրաժեշտ է ազատել։
Ազատություն Արթուր Օսիպյանին․․․ »։
