Քաղաքացու ձայնը

Citizen's voice

×

Ձեր ահազանգը

ընտրված չէ

CVmedia
Թարմ լուրեր
11/5/2022
share

Օձունում բոյկոտեցին խոշորացման թեմայով հանրային լսումը

Այսօր Օձունի համայնքապետարանում նշանակված էր հանրային լսում կապված՝ «Հայաստանի Հանրապետության վարչատարածքային բաժանման մասին» օրենքում փոփոխություններ կատարելու մասին», «Տեղական ինքնակառավարման մասին» օրենքում լրացումներ և փոփոխություններ կատարելու մասին», «Հանրային ծառայության մասին» օրենքում փոփոխություններ կատարելու մասին» օրենքների նախագծերի վերաբերյալ։ Այդ փոփոխություններով նախատեսվում է խոշորացնել նաև Օձուն համայնքը Ալավերդի խոշորացված համայնքի կազմում։ Վարչատարածքային այդ փոփոխությունները ներկայացնելու նպատակով Օձուն էր եկել ՏԿԵՆ տեղական ինքնակառավարման քաղաքականության վարչության պետ Աշոտ Գիլոյանը, ԱԺ պատգամավոր Արեն Մկրտչյանը։ Սակայն Օձուն համայնքի ներկայացուցիչները չցանկացան ոչինչ լսել խոշորացման թեմայով և լքեցին դահլիճը։
Հիշեցնենք, որ օրենքի նախագծով նախատեսվում է միավորել Ախթալա, Շնող,  Օձուն և Ալավերդի խոշորացված համայնքները։
Հաջորդիվ, խոշորացման թեման նախարարության ներկայացուցիչները կքննարկեն Շնողում և Ախթալայում։

cvmedia.am

facebook sharing button facebook